Fleire europavegar stengde grunna uvêr

Oppdatering 02:26: E10 Bjørnfjell er open att.
Europaveg 12 mellom Tverrvatnet og Umbukta i Nordland er stengt grunna uvêr. Det melder Vegtrafikksentralen nord. Ny vurdering klokka 07.
E10 Bjørnfjell var stengt grunna mykje snøfokk og vanskelege køyreforhold.
Også E6 over Saltfjellet er stengt grunna vêret. Der blir det ny vurdering klokka 07.
– Vi anbefaler å sjekke yr.no og 175.no før du reiser ut å køyrer. Ha varme klede og mat i bilen. Vi anbefaler også å ha ei spade, seier Synnøve Lukassen i Vegtrafikksentralen Nord til NRK.
Det er fleire fjellovergangar som er stengde andre stadar i landet også.
Riksveg 7 over Hardangervidda er stengt grunna vêrforholda, og det er også Rv. 15 Strynefjellet.
Biletet er frå webkamera til Statens vegvesen på E6 klokka 00:45.

Artikkel kilde: NRK

Les hele artikkel her: Read More